Оңтүстік Қазақстан халқы алғаш рет Ұлыстың Ұлы күні –Наурыз мерекесін «Наурыз Қазығұрттан басталады» деген атаумен Қазығұрт ауданы, Атбұлақ ауылында Қазығұрт тауының бөктерінде ерекше сән-салтанатпен атап өтті. Мерекеде тау бөктерінде этноауылға 40-тан астам киіз үй тігіліп, ұлттық тағамдар көрмесі тамашаланды. Оңтүстік Қазақстан политехникалық колледжі де киіз үй тігіп, ұлттық тағам көрмесіне қатысып, келушілерге мерекелік көңіл-күй сыйлады. Колледждің талантты, өнерлі студенттері облыстық Наурыз мерекелік іс-шарасында ән салып, би билеп өз өнерлерін көрсетті. «Наурыз Қазығұрттан басталады» мерекелік іс-шарасына белсене атсалысқан колледж қызметкерлері Облыстық мәдениет және халық шығармашылығы орталығының алғыс хаттарымен және колледж директорының алғыс хаттарымен марапатталды.
