Шымкент қалалық Политехникалық колледжі жастар ісі бөлімінің жанынан құрылған студенттік парламент құрамы туралы мәлімет
Шымкент қалалық Политехникалық колледжінің «StudLife» студенттік парламенті Қазақстан Республикасы Білім және ғылым министрлігінің 2020 жылғы 5 қыркүйек «Қазақстан Республикасының білім беру ұйымдарындағы өзін-өзі басқару органдарын дамыту тұжырымдамасына» сәйкес құрылған.
«StudLife» студенттік парламент студенттік өзін-өзі басқарудың өкілетті органы болып табылады. Қызметі мынадай қағидаттарға негізделген: еріктілік, оған қатысушылардың теңдігі, өзін-өзі басқару, заңдылық және ашықтық. Cтуденттік парламент жастардың маңызды мәселелерін шешуге, оның әлеуметтік белсенділігін дамытуға, әлеуметтік бастамаларды қолдауға бағытталған студенттік өзін-өзі басқарудың бастамашыл, дербес, жауапты қоғамдық нысаны болып табылады.
«StudLife» студенттік парламенттің мақсаты: жастардың табысты әлеуметтенуі және тиімді өзін-өзі жүзеге асыруы үшін жағдай жасау; студенттердің туындаған мәселелерді өз бетінше шешу мүмкіндігі; колледж жастарының жан-жақты дамуына жәрдемдесу; студенттердің бастамаларына қолдау көрсету.
«StudLife» студенттік Парламент қызметін жүзеге асыру үшін жобалық кеңселер құрылады. Парламенттің жобалық қызметінің негізгі бағыттары: экологиялық, волонтерлік, өлкетану, туризм, зияткерлік, экономикалық, спорттық, дебаттық, этномәдени, көркем-эстетикалық, музыкалық және басқа да шығармашылық жобалар. Әр жобада әртүрлі іс-шаралар, байқаулар, акциялар, флешмобтар, экскурсиялар, жорықтар, турнирлер және т.б. өтуде.
«StudLife» студенттік Парламент құрылымы 8 фракциядан тұрады: Құқықтық тәртіп фракциясы; Ақпараттық фракция (баспасөз қызметі); Спорт және салауатты өмір салты фракциясы; Өзін-өзі тану және бақыт фракциясы (психология); Қамқорлық фракциясы (волонтерлік); Мәдениет және өнер фракциясы (музыкалық, көркем шығармашылық); Дебат қозғалысының фракциясы; Экология және еңбек фракциясы. Әр тобында барлық 8 фракцияның депутаттары сайланды. Фракциялардың депутаттары бағыттар бойынша тиісті клубтардың мүшелері болып табылады.
«StudLife» студенттік Парламентінің Президенті Шайырхан Аяжан. Парламенттік фракциялардың депутаттары және мүшелері – 135 студент.
