Колледж тарихы

Шымкент қаласы білім басқармасының «Политехникалық колледжі» Қазақстан Республикасы үкіметінің 1997 жылғы 8 мамырдағы №814 қаулысымен Оңтүстік Қазақстан энергетика және бизнес колледжі мен Шымкент политехникалық колледждерін біріктіру негізінде құрылған (ОҚО әкімінің 1997 жылғы 18 маусымдағы №140 шешімі).

Колледж тарихы Кеңес үкіметінің индустриализация кезеңіндегі техникалық мамандыққа деген сұранысынан туындап 1934 жылы Оңтүстік өңірінде бірінші болып ашылған Шымкент тау – кен металлургиялық техникумынан бастау алады.

Оқу орнының негізін қалаушы Шымкент энергетикалық техникумы 1971 жылы Республика энергетика саласына мамандардың үлкен қажеттілігін ескере отырып Қазақ КСР – ның Министрлер Кеңесінің 22 маусымдағы №343 қаулысымен құрылған. Бірінші оқу жылы техникумға 4 энергетикалық мамандықтар бойынша барлығы 450 оқушы, оның ішінде 360-ы күндізгі бөлімге 90 оқушы кешкі бөлімге 30 оқушы сыртқы бөлімге қабылданған болатын.

1993 жылы нарықтық экономиканың қарқынды дамуын ескере отырып Қазақстан Республикасының білім министрлігінің 5-ші мамырдағы №203 бұйрығына сәйкес Шымкент энергетикалық техникумы Шымкент энергетика және бизнес колледжі болып қайта құрылды.

Кәзіргі таңда Шымкент қаласы білім басқармасының «Политехникалық колледжі» тек Оңтүстік өңірінде ғана емес Республика көлемінде энергетика, ақпараттық коммутациялық технологиялар және мұнай мен газды өңдеу салаларында көшбасшы техникалық және кәсіби оқу орындарының біріне айнала отырып 9 мамандық бойынша мамандар даярлайды